অসমৰ অন্যতম ভাষাতত্ত্ববিদ সু-সাহিত্যিক ড৹ উপেন্দ্ৰ নাথ গোস্বামীৰ জন্ম হয় বৰ্তমানৰ নলবাৰী জিলাৰ নলবাৰী স্ত্ৰত ১৯২৩ চনত। অসমীয়া বিষয়ত স্নাতকোত্তৰ ডিগ্ৰী লাভ কৰাৰ পাছত তেওঁ প্ৰথমে ডিব্ৰুগড় কানৈ মহাবিদ্যালয় আৰু পিছত কটন মহাবিদ্যালয় অধ্যাপনা কৰে। পিছত তেওঁ গুৱাহাটী বিশ্ববিদ্যালয়ত অসমীয়া বিভাগত যোগদান কৰি সেই বিভাগৰ মুৰব্বী অধ্যাপক পদৰ পৰা অৱসৰ গ্ৰহণ কৰে।
অসমীয়া ভাষা-সাহিত্যত একানপতীয়াভাবে সেৱা আগবঢ়োৱা ড৹ গোস্বামী আছিল এগৰাকী ভাষাতত্ত্ববিদ আৰু সু-সাহিত্যিক। তেওঁৰ ৰচিত পুথি সমূহ হ’ল— “A study on Kamrupi: A Dialect of Assamese”, “An Introduction to Assamese”, “ভাষা-বিজ্ঞান”, “ভাষা আৰু সাহিত্য”, “অসমীয়া ভাষাৰ ৰূপকথা”, “অসমীয়া ভাষাৰ ব্যাকৰণ”, “অসমীয়া লিপি”, “বৈষ্ণৱ ধাৰা আৰু সন্ত-কথা” আৰু “অসমীয়া ভাষাৰ উদ্ভৱ, সমৃদ্ধি আৰু বিকাশ”। এইজনা সাহিত্যিকৰ মৃত্যু হয় ২০০০ চনত।